მილოცვა მიხეილ სააკაშვილს (ირაკლი ჯაფარიძის უბრწყინვალესი წერილი)


ბატონო მიხეილ!

 

ვიცი, რომ ამ ფორუმს კითხულობთ.

 

თქვენ ხართ მატყუარა, კორუმპირებული და მოძალადე!

 

თქვენ არასოდეს შეგისრულებიათ არცერთი საარჩევნო დაპირება! არც ჩვეულებრივი დაპირება შეგისრულებიათ ოდესმე! საქართველოს არასოდეს ჰყოლია ასეთი კორუმპირებული და გაზულუქებული ხელისუფლება!

 

მე ერთი ჩვეულებრივი, რიგითი და წესიერი მოქალაქე ვარ. მე არ ვარ საფლავიდან ამოთხრილი ედპ-ს გურამ ჩახვაძე, არც კრედიტებგასტუმრებული გია თორთლაძე ვარ, არც უფრო დიდ ფულზე გაყიდული გიორგი თარგამაძე ვარ და ამიტომ გეტყვით:

 

ჯერ კიდევ 2003 წელს თქვენი უმთავრესი საარჩევნო დაპირება 1 წელიწადში მინიმალური პენსიის 100$-მდე გაზრდა იყო, ახლა 2011 წელია.

 

ჯერ კიდევ 2003 წელს თქვენ უარი თქვით კრწანისის საპრეზიდენტო რეზიდენციაზე და ჩვეულებრივ ოროთახიან ბინაში ცხოვრების, ეკონომ კლასით ფრენის, საზოგადოებრივი ტრანსპორტით და ოპელ ვექტრათი მგზავრობის პირობა დადეთ.

 

დღეს 2011 წელია და საქართველოს, მეტიც მსოფლიოს ქვეყნების აბსოლუტური უმრავლესობის პირველ პირებს, თითზე ჩამოსათვლელი დიქტატორების გარდა, არცერთ პრეზიდენტს არ უცხოვრია ისეთი ფუფუნებით, როგორითაც თქვენ ცხოვრობთ. არავის ჰქონია თქვენნაირი ძვირფასი სასახლე, არავის ჰყოლია თქვენზე ძვირფასი მანქანები და თვითმფრინავები. არავის უყიდია ბოინგი, რომლის ფასიც ასეულობით მილიონი დოლარით განისაზღვრება, არავის ჩამოუყვანია პირადი ბოინგით მსოფლიოს უძვირესი და უპოპულარულესი მასაჟისტი. არავის უმოგზაურია ამდენი, მათ შორის კოსტა-რიკაში თუ ჰონდურასში. საქართველოს არცერთი პრეზიდენტის ფონდი არ ყოფილა იმხელა და იმდენჯერ მეტი, რაც თქვენია, არცერთისა არ ყოფილა გასაიდუმლოებული, საეჭვო და გაუმჭვირვალე და არცერთიდან პირადი საჭიროებებისა და სურვილების (უფრო ფანტაზიების) დასაკმაყოფილებლად არ იხარჯებოდა ფული.

 

ჯერ კიდევ 2003 წელს თქვენ მთელი მინისტთა კაბინეტი გვერდში ამოიყენეთ და პირდაპირ ეთერში, სახალხოდ დადეთ პირობა, რომ თუ რომელიმე თქვენი მთავრობის წევრის ძმას, დედას, მამას, ცოლს, ბიძაშვილს, მეგობარს ან ახლო ნათესავს მოულოდნელად აღმოაჩნდებოდა ბიზნესის კეთების განსაკუთრებული ნიჭი, ისინი უმკაცრესად დაისჯებოდნენ.

 

დღეს 2011 წელია და დედათქვენს რამდენიმე უმაღლესი სასწავლებელი და უძრავი ქონება ეკუთვნის, თქვენს ძმას უმსხვილესი ნავთობკომპანია და სადაზღვევო სააგენტო, ბიძათქვენს ოქროსა და სპილენძის მომპოვებელი საბადო. თქვენს უახლოეს მეგობრებს, ძმებ ბეჟუაშვილებს ქვანახშირისა და მანგანუმის საბადოები, ცემენტის ქარხნები, გაზის გამანაწილებელი კომპანია.

 

ვანო მერაბიშვილის ოჯახს, მამას, ბიძას, ბიძაშვილს, ათეულობით უმსხვილესი და მონოპოლისტი კომპანია და რესტორანი ეკუთვნით, რატომღაც მისი მშობლიური სოფლის, ადიგენის რაიონის სოფელი უდეს მაცხოვრებლებს, განსაკუთრებით ვანო მერაბიშვილის ტოლებს, ფენომენალური ნიჭი აღმოაჩნდათ ბიზნესისა და ლამის თითო მათგანზე 3-4 უმსხვილესი დისტრიბუტორი კომპანიაა რეგისტრირებული.

 

თქვენს გმირს, ერეკლე კოდუას სასტუმრო და კაზინო საქართველო, მის დედას საქართველოში მოქმედ თითქმის ყველა ბაზრობაზე უმსხვილესი წილები აქვს.

 

საქართველოში ჩატარებულ ყველა სახელმწიფო და გაუმჭვირვალე მსხვილ ტენდერში თქვენი ხელისუფლების მაღალჩინოსნების მიერ ტენდერამდე 1 კვირით ადრე დაარსებული და ახლობლებზე რეგისტრირებული შპს-ები იმარჯვებენ.

 

თქვენ ორი უმსხვილესი ტელევიზია ნამდვილ პატრონებს წაართვით, ისინი დღემდე დაუდგენელ და გასაიდუმლოებულ პიროვნებებს ეკუთვნით და ერთ-ერთი მათგანის შეფი თქვენი ყოფილი ეკონომიკის მინისტრი გიორგი არველაძეა.

 

თქვენს ყოფილ თავდაცვის მინისტრსა და მსოფლიო მასშტაბით ცნობილ იარაღით მოვაჭრე, კორუმპირებულ დავით კეზერაშვილს საქართველოში ლატარიის გაყიდვის მონოპოლიური უფლება მიეცით, თვალი დახუჭეთ მის მიერ ქართული ჯარის ხარჯზე გაკეთებულ მრავალმილიონიან “ატკატებზე”, მასვე ეკუთვნის უმსხვილესი სამშენებლო კომპანიები, მაგალითად არტ-იქსი, რომელიც ნახევარ მილიონს ზემოთ ბიუჯეტის თითქმის ყველა სახელმწიფო ტენდერს იგებს. თქვენი მინისტრების და პარლამენტარების მიერ აბსოლუტურად მონოპოლიზირებულია საკვები პროდუქტების ბიზნესი.

 

თქვენი ყველა მინისტრი და ყველა პარლამენტარი ფლობს მინიმუმ 2-ზე მეტ ფეშენებელურ სახლს დედაქალაქის პრესტიჟულ უბნებში, საუკეთესო ვილებს ზღვისპირეთში, თბილისის შემოგარენში და ზამთრის კურორტებზე, ყველა მათგანს მინიმუმ 2 ახალი და ძვირფასი ავტომობილი ჰყავს, ყველა მათგანი მსოფლიოს საუკეთესო კურორტებზე ისვენებენ.

 

თქვენ 2008 წელს ”საქართველოს სიღარიბის გარეშე” გვპირდებოდით და 50 000 ახალ სამუშაო ადგილს. დღეს 2011 წელია და თქვენივე ოფიციალური სტატისტიკით ყოველწლიურად კლებულობს დასაქმებული ადამიანების რაოდენობა, თქვენივე ოფიციალური სტატისტიკით 4 მილიონიან ქვეყანაში 700 000-ზე მეტი სოციალურად დაუცველი და სიღარიბის ზღვარს ქვემოთ მყოფი ადამიანი ცხოვრობს.

 

თქვენ დევნილ ადამიანებს 2008 წელს სოხუმსა და ცხინვალში დაბრუნებას შეჰპირდით.

დღეს 2011 წელია და მათი დიდი ნაწილი საქათმეებში ცხოვრობს, ნაწილს კი ყოველ დღე, უფრო სწორად ღამე, კომბლებით ჰყრიან წლობით ნაკოწიწებ და ნაფერები საცხოვრებლებიდან თქვენი მონა და სულგაყიდული ჯალათები.

თქვენ საკუთარი ხალხი ბევრჯერ გალახეთ, ბევრჯერ გალანძღეთ, ბევრჯერ შეაფურთხეთ მათ.

 

თქვენ მოსპეთ და გაანადგურეთ სასამართლო სისტემა და გადააქციეთ ის საკუთარი გესტაპოს შტამპის დამსმელ ორგანოდ.

 

არასოდეს საქართველოს ისეთი გაუნათლებელი თაობა არ ჰყოლია, როგორიც თქვენს მიერ ყელში დანაგამოსმული განათლების სისტემის გაზრდილები იქნებიან, იმიტომ, რომ მათ მასწავლებლების მაგივრად ოროსანი ზონდერ-მანდატურები ჰყავთ, დირექტორების მაგიერ – ლოტოტრონით არჩეული ნაც-მოძრაობის აგიტატორები და მინისტრის მაგივრად – ციხის უფროსი!

 

დღეს 2011 წელია და გილოცავთ ბატონო მიხეილ!

 

თქვენ ჯეკ პოტი მოიგეთ!

 

თქვენი ბავშვობის ყველა ოცნება ახდენილია!

 

ვისზეც ადრე მხოლოდ მასტურბირებდით, ყველა მოილოგინეთ.

 

რომელ მანქანაზე თუ თვითმფრინავზეც არ გაპიპინებინებდნენ, ყველას საჭესთან იჯექით.

 

რომელი ქვეყანაც თუ სასტუმროც ინტერნეტში ნანახი ფოტოებით მოგწონებიათ, ყველას საპრეზიდენტო ნომერში ბრძანდებოდით.

 

ვისაც ბავშვობაში უცემიხართ და დაუჩაგრიხართ, ყველა ციხეშია.

 

თქვენ ჯადოსნური ჯოხი გაქვთ, სადაც გაიქნევთ, შეგიძლიათ სკოლა – სასტუმროდ, სასტუმრო – სკოლად, მუზეუმი – შადრევნად, შადრევანი – მუზეუმად, თეთრი – შავად, შავი – თეთრად, ადამიანი – ფურთხად, ფურთხი ადამიანად აქციოთ.

 

ყველაფერი თქვენია, ყველაფერი გაგდით, ყველაფერს აკეთებთ, რაც გინდათ!

 

კარის მასხარას ძეგლს დაუდგამთ, დავით აღმაშენებელს მანქანების ბაზრობასთან გადაიტანთ.

 

რობერტ სტურუას სირად გამოაცხადებთ, სირებს – რობერტ სტურუებად.

 

ჩვენ მოღალატედ შეგვრაცხავთ, მოღალატეებს – პატრიოტად…

 

 

კიდევ ერთხელ გილოცავთ, ბატონო მიხეილ!

 

http://forum.ge/?f=29&showtopic=34281782&st=0

Advertisements


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s