—————————-

კავკასიოლოგს
————–
გამოტყდი ნოშრევან, რომ თავად ხარ “თქვენსგამომიშისტიც”, “კიაზოც”, “აბესალომიც”… და ამიტომაა, რომ მაგათ მაგიერ სწუხარ და ნერვიულობ.

უფრო ჭკვიანი მეგონე – თუ დაცვა გინდოდა – კიაზოს მაგიერ ბარემ გაგეცა პასუხი – ან არადა გეცლია იმ კაცისთვის, 20 წუთში რომ მიპასუხე.

ეგ ხომ დემაგოგიის პირველი ხერხია – “რა იყო?” “ვერ გავიგე”, “ვითომ მართლა ასეთი მნიშვნელოვანია??”

აბა რაა მნიშვნელოვანი – ზემო მაჩხაანის “ასვალტი”?

დავიჯერო, ასე ძნელი გასაგები იყო ჩემი ის ორი კითხვა?
დავიჯერო ქართული გადაგავიწყდა – გერმანისტიკაში გადავარდნილს?
თუ “მარტვილის თეზისების” დახვეწაზე მუშაობდი ამ დღეებში?
მგონი პროფილის შეცვლა გინდა და გოგის ბლოგზე აპირებ გადასვლას :-))

დავალებებს მაძლევ? დემაგოგიის კარდინალო რიშელიევ?

კარგი, მივიღებ მაგ “შეკვეთას”, მაგრამ მოდი რაღაც მასწავლებელ-მოწაფის საშინაო დავალებას რომ არ დაემსგავსოს ჩვენი კამათი (შენს “მასწავლებლობას” ნამდვილად ვერაფრით დავთანხმდები, არც შენ უნდა გსურდეს ჩემისთანა “მოწაფე”) დუელი დავგეგმოთ და ბარიერთან მისვლის დროც დავთქვათ.

ვთქვათ – ხვალ საღამო, ორშაბათი, 18 საათი.

ჰოდა ზუსტად საღამოს 6 საათზე ორივემ გამოვაქვეყნოთ ჩვენი ესსე – მაქსიმუმ ორი ჩანაწერი (7000 ასონიშანი).

ჩემი თემა იქნება – “რატომ მომწონს (მირჩევნია) ოპოზიცია?”

შენი თემა – “რატომ მომწონს (მირჩევნია) ნაცმოძრაობა?”

ვინც თავის პოსტს არ გამოაქვეყნებს ან დააგვიანებს – (პოსტის დროს სისტემა, როგორც ვიცი, ავტომატურად აწერს იმის მიხედვით, როდის დაიდო სერვერზე ტექსტი, და არა იმას – როდის გამოქვეყნდა მოდერატორის მოდიფიკაციის მერე), – წაგებულად ჩაითვლება.

თუ დუელის პირობები გაკმაყოფილებს – შევთანხმდეთ, დღეს შუაღამემდე შენი თანხმობა აქ, ბლოგზე გამოაქვეყნე.
ჰო, მერე არ დაიწყო – ინტერნეტი გამეთიშა, სერვერი არ მუშაობდა… თუ პრობლემები გაქვს (რა, ვანო “დი-ეს-ელ”-ის ფულს არ გიხდის? არ დავიჯერებ!) ინტერნეტ-კაფეში მიდი. ან სულაც – შოთა უტიაშვილთან, მაგას კარგი სიჩქარე ექნება.

არაა გამორიცხული, ჩვენი ეს დუელი ქ-ნმა იამ შემდეგი ბლოგისთვის შესაფერ თემად ჩათვალოს.

თუ არადა, მკითხველი აქაც მიაგნებს – ნოშრევან კავკასიოლოგი vs სოლომონ თერნალელი. სახელით ნაღდად მჯობნი, კავკასიის არწივო.
მოსულა?
თუ ახლავე აღიარებ დამარცხებას?

———-

კიაზოს
——–
ბ-ნო კიაზო, თქვენს მოკლე კომენტარში ორი წინადადება აღმოვაჩინე ისეთი, რომ ვფიქრობ, ან სიჩქარეში ცოტა დაუფიქრებლად დაწერეთ – ან გამოცდილი დემაგოგი ბრძანდებით.
” …რა პერსპექტივას გვიქადის იმათი მოსვლა ხელისუფლებაში, ვისაც კრიშად – ქურდული სამყარო და ავტორიტეტად – პატრიარქი (!?) ყავს”
ანუ, გამოდის პატრიარქი ვერ ხედავს ამ გაშუალებულ კავშირს ქურდულ სამყაროსთან, თუ – შეგნებულად თანახმაა ამაზე?? ცოტა უხერხული ხომ არაა თქვენი ეს ოპუსი? ამით პატრიარქს ხომ არ აკადრებთ – თვალი გაახილოს და დაინახოს, ვის უდგას გვერდით? ჭეშმარიტების ასეთი რა ჭვრეტა გაგაჩნიათ, რომ მთელს ოპოზიციას, ხელაღებით, ერთიანად – ქურდულ სამყაროსთან კავშირში ადანაშაულებთ? ანუ რა გამოდის, ერთადერთი ძალა, ვინც ხმალამოღებული ებრძვის ქურდულ სამყაროს – ნაცმოძრაობაა? თქვენ ერთი ტარიელ ონიანს ჰკითხეთ, მიშასთან რა აკავშირებს! და ისიც გამოიძიეთ, ქურდული სამყაროს რამდენი წარმომადგენელი გამოუშვეს ციხეებიდან სასწრაფო წესით 5 იანვრის და 21 მაისის არჩევნების წინ, რომ მათ საარჩევნო უბნებზე “სიტუაცია ემართათ” და ოპოზიციის ამომრჩევლები სამაგალითოდ დაეშინებინათ. ნაცმოძრაობას ქურდული სამყარო იმიტომ არ მოწონდათ, რომ მისი “პალაჟენია” უნდოდათ სათავისოდ. და მოახერხეს კიდეც. დღეს ყველაზე დიდი ქურდები სწორედ მთავრობაში გვყავს.

ეჭვი გეპარებათ?

კიაზო, ამას რომ ამბობ, დაფიქრდი, რას ამბობ?

 
რომ თურმე კეთილსინდისიერება ისაა, როცა ბანდის არაკაცი მეთაური თავის ბანდის არაკაცებს და დაბრმავებულ საზოგადოებას “გულწრფელად და კეთილსინდისიერად” ეუბნება – ამ და ამ ხალხის განადგურება მინდაო! ეს არის ამ ბანდიტების “კეთილსინდისიერება” ანდა “კეთილსინდისიერება” ის იქნებოდა ჰიტლერი რომ თავად ებრაელებს შეხვედროდა და „კეთილსინდისიერად“ ეთქვა – ხვალიდან რამდენიმე მილიონს გაზის კამერაში გაგიშვებთ, და რამდენიმეს – სახრჩობელაზეო? „გულწრფელად“ – კარგი, მაგრამ ეს „კეთილ“ – „სინდისიერი“ იქნებოდა?? ამ ორი სიტყვიდან რომელიმეს მნიშვნელობა გესმით?

თქვენც ზემო მაჩხაანის დაგებულმა „ასვალტმა“ დაგიბნელათ გონება?

აი, ამ თქვენმა აზროვნებამ არის, რომ ჩაწიხლა საქართველოც და ქართველობაც. ამიტომ გახდა ნაცმოძრაობა ნაციონალისტურ-სოციალისტური პარტიის და ფაშიზმის სინონიმი.

ძალიან გულწრფელად, მაგრამ დიდი სინანულით, გეუბნებით ამას.

—————–

———————-
“პროგრესულო”,
იმ დროს, როცა მთელი ზემო მაჩხაანი ასფალტის გზას ნატრობდა, მიშამ და შენ აქაც იყოჩაღეთ და “პროგრესულად” უკეთესი – ანუ “ასვალტის” (!) გზა დაუგეთ :-((

ასვალტისტოოოო! :-))

ამის წაკითხვის მერე მე ნამდვილად სიამაყის გრძნობა გამიჩნდა – ვის და ვის, და “პროგრესულს” კი მტკიცედ უდევს ხელი ქართველი ხალხის მაჯაზე და გრძნობს, რა დიდი ბედნიერება მოაქვს “ასვალტს!” მამალივითაა თითქმის, ოღონდ ტვინს ……..!

დავიჯერო – მე რასაც ვწერ, ის ტკივილი და წუხილი საქართველოზე და ხალხზე – შენმა ზემო მაჩხაანის “ასვალტმა” გაანეიტრალა?

დავიჯერო, რომ მაგით, – თუნდაც მაგ ერთ კონკრეტულ წერტილში – ხალხი უკვე დაცულად, სამართლიანად და ბედნიერად გრძნობს თავს?

თვითმარქვია “პროგრესულო”, შენ იცი, რამდენ კილომეტრ გზას აგებენ ყოველ წელს – კუბაში, – ჩრდილოეთ კორეაში და თუნდაც – კონგოში?

და სერიოზულად გგონია, რომ მაგით იზომება “პროგრესი”?.. როგორ გაგიმეტო და გისურვო, მაგ ქვეყნებში გეცხოვროს-მეთქი, საიდანაც რომ გარბის ხალხი, საზღვარზე იჭერენ და ქუსლებში ურტყამენ – “რა იყო, თქვე დოუნახავებო, ასვალტი არ მოგწონდათ, თუ რეიზა ტოვებთ ამ ბედნიერების ნავსაყუდელსო?”

არა, რა უნდა გელაპარაკო? ერთი ნახევარი კილო ცხელი “ასვალტი” გაახვიე და გამოაგზავნე აქ – გულზე დარდი თუ შემომაწვება, შევხედავ და გადამივლის? ვითოოომ?

ისე, ახლადდაგებული “ასვალტი” კანცეროგენულიაო, ამბობენ და ფრთხილად იყავი. მაგრამ, შენ ეს სიტყვა არ გეცოდინება, ასიანი …

კიდევ მოგიწოდებთ ყველას, – ამ “ასვალტითბედნიერზე” აღარ დავიხარჯები:

– მე კი არა,  –  ს ა ქ ა რ თ ვ ე ლ ო     შ ე ი ც ო დ ე თ!
და თუ ოდნავ დაფიქრდებით, იმასაც ადვილად მიხვდებით, სინამდვილეში რა არის საქართველოს “წყლული და ჩირქგროვა” – მიშიზმი და მისგან გამოწვეული სულისბრგვეობა, ხელმრუდობა, ბრუციანობა და უტვინობა.

აი მაგენს – “ასვალტი” – ვერ შველის! ვერც – ასფალტი! და ვერც – ვარდისფრად შეღებვა!
ილიას “ბედნიერი ერი” წაიკითხე, “პროგრესულო”.

და კიდევ ეს მოკლე ლექსი – ვიცი ბევრის კითხვას ვერ იტან – არც მიკვირს. ლექსი, რომელიც ეტყობა სათითაოდ უნდა მოგიძღვნათ ჩემზე დაბოღმილებს – უაზროდ ბედნიერებს):-))

უბედურებაა, რომ საქართველოს პრეზიდენტი ერთდროს მსოფლიო პოლიტიკის მასშტაბის ამომავალი ვარსკვლავიდან იქცა მარტვილის რაიონის სოფელ დიდი-ჭონას მასშტაბის პოლიტიკოსად.

კაცი, რომელსაც საქართველოში ათასები ტაშს უკრავდნენ და უმღეროდნენ (ისე, მაგან დაგვღუპა!) – ახლა იძულებულია დიდჭონელი ბავშვები ბურთებით და მაისურებით მოისყიდოს და მათი “მიშა-მიშას” ძახილით მოიოხოს გული. ვერ დადის რესტორანში, ვერ მიდის სტადიონზე, სადაც ხალხი დამოუკიდებლობას ზეიმობს, არავინ ულოცავს ეროვნულ დღესასწაულს, ბერლუსკონის მაგიერ პლატინის დაუჯდა ლოჟაში… დავიჯერო მართლა მესის და ეტოს თამაშზე ხალისობდა? თუ არ ხალისობდა, ხომ ვავა, და თუ ხალისობდა, ხომ დიდუუ!..

სააკაშვილი ნამდვილად არ არის პრობლემის ძირი, იგი უბრალოდ აისბერგის წვერია.

იმ აისბერგის, რომლის სახელი “მიშიზმია”, და რომლის უხილავ ფუძეს სწორედ ფარული მიშისტები – შარიკოვები, კოსმოპოლიტები, ჯეობარის აპოლოგეტები, მანქურთები, ტელევიზიის ჰებელსები, საპარლამენტო თოჯინები წარმოადგენენ. ისინი არიან ბარაბას მსურველები!.. ისინი არიან, ვინც იჩემებს, რომ გამოცდილების არქონა ყველაზე დიდი ტალანტია; რომ მთავარია, რაიმე ტრეინინგი გქონდეს გავლილი სადმე (ან სერტიფიკატი – “გაიმასქნებული”) (…) და მეტი არაფერია საჭირო, რომ “კუხარკასავით” ქვეყანა მართო; რომ “ნულოვანი ტოლერანტულობა” და “ადგილზე ლიკვიდაცია” ააშენებს ისედაც დემოგრაფიულად დაქცეულ საქართველოს; რომ უნარ-ჩვევები თუ იცის ქართველმა, უმაღლესი განათლება ზედმეტია; რომ საქართველოში ყველაფერი შეიძლება და უნდა – გაიყიდოს; რომ თუ მიშასთან ხარ, თავად ხარ სამართალი, ხოლო თუ მიშისტი არ ხარ – დანაშაულის პრეზუმპციას მოგიყენებენ; რომ მთავარი ბედნიერი საქართველოს შენება კი არაა, არამედ ბედნიერი საქართველოს დახატვა “კარტონზე” მსუყე ფერებით და მთელ მსოფლიოში იმის მტკიცება, რომ ეს დახატული საქართველოა ნამდვილი – და არა – ის, საცოდავი, მტრებისგან დაჯიჯგნილი საქართველო!..

მიშა უბრალოდ ამ სისტემის თავია, მან თავად აქცია თავისი თავი მძევლად იმ კონსტიტუციისა, რომელიც თავის ტანზე მოირგო და შევარდნაძისეულ ძველ პარლამენტს გარიგების ფასად საჩქარო წესით დაამტკიცებინა. სისტემა სუნთქავს მანამ, სანამ თავი აბია. სააკაშვილის გადადგომა ამ სისტემას ჟანგბადს გადაუკეტავს. ეს იციან შარიკოვებმა და ავად იღრინებიან, თუ მიშას გადადგომის სურვილი შეამჩნიეს.

ჰოდა რა ჰქნას ამ დიდმა ბავშვმა, რომელსაც ძალიან სურს წართმეულ ბავშვობას დაუბრუნდეს? მან ახლა იგრძნო, რომ დიდობა მარტო კარგი მანქანები, 5-ვარსკვლავიანი სასტუმროები, ლამაზი გოგონები, ბევრი ხინკალი და კრემ-ბრიულე არაა. დიდობა შეიძლება ძალიან ცუდი იყოს, როცა მოწინააღმდეგენიც პასუხს გთხოვენ და ვითომ მომხრეებიც ზურგში პისტოლეტს გაბჯენენ…

დაფრინავს ბატონი მიშა აქეთ-იქით. იმ საცოდავი იტალიელივით, ცნობილ კინოში პასპორტი რომ ჩაურეცხეს (ვიღაცას უყვარდა ეს სიტყვა!), და იქაც არ უშვებენ, და აქაც – არ ჩამოესვლება…

“ლეტუჩი გალანდეც!”

ვაი, მიკელე, ვაი!..

——–

აბესალომ,
———–

კაცო,
იქეთ გავიგე მაიკოს ებრძვით მუხლჩაუხრელად გოგი გვახარიას ბლოგზე, აქეთ – მე მიწუნებთ გემოვნებას. კაცი ხართ, თუ ადამიანი-ორკესტრი?

არ გადაიღალო, რაა!

აზროვნების უნარი შეიძლება იმან დამიწუნოს, ვისაც უკეთესი აქვთ – თქვენი კომენტარები კი ამის ილუზიასაც არ ქმნის.

მე ნიუსი კი არ “გამოვაცხვე”, არამედ მოგაწოდეთ – ისე რომ ერთი პწკარი არ შემიცვლია, წყაროც მიგითეთ და ავტორიც.
“მააალობის მაგიერია”, დალოცვილო? თუ არ მოგწონს, ნუ კითხულობ. თუ არ გჯერა – პრესა.გე-ს და მიქიაშვილს მისწერე.

თუ შენც, “პროგრესულის” არ იყოს, მარტო შინაგან საქმეთა სამინისტროსი და ბ-ნ შოთა უტიაშვილის გჯერა?

აი იმის, სამი კვირა ქართველ ჟურნალისტებს რომ ეფიცებოდა – აკრძალული რეზინის და პლასტმასის ტყვიები არ გვიხმარიაო და მერე რომ გამოუტყდა უცხოელებს, კი ვიხმარეთ, გვეგონა კარგი იყოო!?

ნეტარ არიან შოთა უტიაშვილის მორწმუნენი?

არა მგონია.

კიდევ ერთი თხოვნა, მე კი ნუ გეცოდებით, საქართველო შეიცოდეთ, იმ კაცის ხელში, რომელსაც ისეთი რეპუტაცია აქვს, რომ ამ ნიუსს 100 კაცი რომ წაიკითხავს, თქვენი და პროგრესულის მეტს – არც შეეეჭვდება, რადგან ისეთივე შეხედულება აქვთ მასზე, როგორც იმ მწყემს ბიჭზე, “მგელი, მგელიო” რომ ყვიროდა. მაგრამ ის ერთი მწყემსი იყო და მგელმა ერთი-ორი ცხვარი დაუგლიჯა. ეს კიდევ პრეზიდენტობას ჩემობს და ქვეყანა დაიქცა მაგის პიარისშემყურე.

შალომ! :-))

———————————————————————-

“პროგრესულო” – შე ციციკორევ შენა, პროგრესის მუხრუჭო!
აბა ერთი ეს გადაიკითხე, რა. დეტექტივია, პირდაპირ – 007.
—————————————
6 მაისის დასრულებას სააკაშვილი გასაფრენად გამზადებულ თვითმფრინავში ელოდა
http://www.presa.ge/index.php?text=news&i=8048
[ნინო მიქიაშვილი]
ზუსტად ერთი თვის წინ, გიორგობას, გვიან ღამით, როცა პოლიციის სამმართველოსთან მიმდინარე აქციაზე ვითარება უკიდურესად დაიძაბა – როცა რკინის ღობის მიღმა მყოფ საპროტესტო აქციის მონაწილეებს ქვებსა და პლასტიკურ ტყვიებს დამიზნებით უშენდნენ, და ამის პარალელურად ნიღბიანი სპეცრაზმელები ”მი-შა, მი-შას” სკანდირებდნენ, ამ დროს მიხეილ სააკაშვილმა, პირადი დაცვის თანხლებით, აეროპორტს მიაშურა, რამდენიმე საათის განმავლობაში გაჩერებულ თვითმფრინავში იჯდა და მოვლენების განვითარებას ელოდებოდა.

ეს ინფორმაცია პრესა.გე-მ აეროპორტის ერთ-ერთი თანამშრომლისგან შეიტყო. ჩვენ მის ვინაობას ვერ ვასახელებთ, რადგან დასახელებას მინიმუმ ჩვენი რესპონდენტის (რომელსაც მრავალსულიანი ოჯახი სარჩენი ჰყავს) სამსახურის გარეშე დარჩენა შეიძლება მოჰყვეს.

”ტრაპზე ისე არბოდა, 5-5 საფეხურს ერთად აბიჯებდა. ვუყურებდით და ვიცინოდით, ზოგი – გულში, ხოლო ვისაც ვერ გვხედავდნენ, ისინი – ღიად და დაუფარავად. გვეგონა, ეს მისი მორიგი რეისი იყო, უცხოეთში, ან ბათუმში, მაგრამ ასე არ მოხდა – სააკაშვილმა ტრაპის კიბეები შეშინებულმა აირბინა (ეს აშკარად ჩანდა), თვითმფრინავის სალონში შევარდა და რამდენიმე საათი იქ იჯდა”, – გვითხრა ჩვენმა წყარომ.

ამ ინფორმაციის გადამოწმება პრესა.გე-ს არც ხელისუფლების წარმომადგენლებთან უცდია და არც ოპოზიციის ლიდერებთან, რადგან მოსალოდნელი პასუხები წინასწარ ვიცოდით – ხელისუფლება უარყოფდა და ოპოზიცია არ გამორიცხავდა. სწორედ ამიტომ, ჩვენს მკითხველს ვთავაზობთ აეროპორტის თანამშრომლის მიერ მოწოდებულ ინფორმაციას, ყოველგვარი პოლიტიკური შეფასებებისა და კომენტარების გარეშე.
————————————
ჰოი, საოცრებავ!
დღეს “იმედის” ახალი ამბების კომენტატორმა მომხიბვლელმა გოგონამ ქრონიკის 2-საათიან რეპორტაჟში გამოიყენა წარმოუდგენელი და გაუგონარი ტერმინი – “არასაპარლამენტო ოპოზიცია”!

არა – “ქუჩის”, არა – “აგრესიული”, არა – “რადიკალური”!.. არამედ სწორედ – “არასაპარლამენტო ოპოზიცია”.

დედა, რა იყო ეს, ჰაა?

პროგრესულო, შენ არაფერს იტყვი ამ “აღმაშფოთებელ ფაქტზე”? “მაესტრო” და “კავკასია” არ გეყოფოდა, ახლა უგულავას “იმედმაც” რომ ოპოზიციას ასეთი ლოიალური ტერმინებით არ მიმართოს?

განსაკუთრებით საოცარი იყო ეს ბატონი პრეზიდენტის გუშინდელი ომახიანი განცხადებების შემდეგ, როცა მარტვილის ჩაის ფაბრიკიდან მთელ მსოფლიოს ამცნო მისი ყოფილი თანაგუნდელების კრიმინალური და კორუფციული წარსულის შესახებ! ეტყობა მარტვილში ჩასვლამ კიდევ უფრო გაამძაფრა ის ფარული პროტესტი, რაც მას ოდითგან ჰქონდა კორუფციის და კორუფციონერების მიმართ და რასაც ასე ტანჯვით წლებია გულში ატარებდა.
ამიტომ მე დღეს მინიმუმ გენერალური პროკურორის განცხადებებს, ასობით მოწმის “გამიშვი-და-დამაკავე” ჩვენებებს და დაჭერის გრაფიკებს ველოდი… და ამ დროს – ასეთი მახვილი ზურგში?..

P.S. იმედია, გოგონა “იმედზე” სამუშაოს შეინარჩუნებს.

————

კირილეს
——-
სინამდვილეში პუტინის “ნაშები” და მიშას “მიშები” ხელიხელგადაჭდობილი მუშაობენ საქართველოს დასაჩოქებლად. ერთმანეთისგან მტრის ხატს ქმნიან, რომ არსებობა გაიხანგრძლივონ და მეტი გრანტები/დაფინანსება გაინაღდონ ნებისმიერ მხრიდან.

პუტინის ივანოვმა არ მოგვიყვანა მიშა?

პუტინის უახლოესმა მეგობარმა ხაბურძანიამ არ გაუღო პარლამენტის კარები ვარდოსან მიშას?

2008 წლის გაყალბებული არჩევნები პირველმა პუტინის ლავროვმა არ მიულოცა სააკაშვილს?

პუტინის კარის ბიზნესმენი ბენდუქიძე არ დანიშნა მიშამ საქართველოს გამყიდველად?

პუტინის მოქალაქე არ არის მიშას საგარეო საქმეთა მინისტრი ვაშაძე?

პუტინის ახლობელმა კგბ-ს გენერალმა გენერალოვმა – სააკაშვილის ბიძის თემურ ალასანიას ძმაკაცმა (ისე, როგორი “მეგობრობის და გაგების ოთხკუთხედი” გამოვიდა?) არ ჩაიგდო ხელში საქართველოს ერთერთი ყველაზე სერიოზულ საწარმო – ოქროს გადამმუშავებელი “მადნეული”?

პუტინის გაზპრომმა და რაო-ეესმა არ ჩაიგდეს ხელში მთელი საქართველოს სიმდიდრეები – “თბილისის წყლიდან” და რუსთავის მეტალურგიულიდან დაწყებული და ენგურჰესით დამთავრებული?

პუტინის ჯარისკაცები და ოფიცრები არ იყვნენ მიშას დადგმულ სპექტაკლში – “ძლევამოსილმა მიშამ უიარაღოდ უკუაგდო რუსთა ლაშქარი განმუხურში” – სტატისტებად რომ იქირავა ბ-ნმა მიხეილმა?

პუტინის დაგებულ ხაფანგში არ შეჯირითდა მიშა? თან წინასწარ რომ იძახოდა წლობით – ვიცი, ხაფანგს გვიგებენო!?

პუტინის ოცნებები არ შეასრულა ამ თავისი შეჯირითებით?

კირილე, შტირლიცი ხომ გინახავს? ერთი სერია მაინც? შტირლიცი სულ ჰიტლერის და გერმანიის მზეს ფიცულობდა, მაგრამ რუსეთის საქმეს აკეთებდა. ასე რომ სიტყვიერ “შეტევებს” ნუ მიაქცევ დიდ ყურადღებას…
ეჰ, კირილე, კირილე! შენ ვის “ტოპკებს” აგდებ გაფიცებ? ლევან რამიშვილის? თუ გოკა გაბაშვილის? თუ წუგზარ ნიკლაურის? ეგ იყო ფრენბურთის მშვენება და ტოპკების მასტერა, სანამ ფეხბურთში ფეხი არ მოსტეხეს თანაგუნდელებმა.

ვერ მუშაობ სერიოზულად, იცი?იქნება “ნაშებთან” გაგევლო ტრენინგი? ან “პროგრესულთან”?

——-

მინდა თავიდან გაგეცნოთ – აქამდე უბრალოდ “სოლომონი” ვიყავი. მაგრამ ბლოგზე ახალი მონაწილეა, ასევე სოლომონი (გორიდან) და დიდ ეჭვებში ჩააგდო ბლოგის ვარსკვლავი პოეტი, ჰუმანისტი და რეაქციონერი, თავის თავს რომ progressive-ს უწოდებს.
———————–
ორიოდ სიტყვა progressive-ზე, რომელიც ისეთივე “პროგრესულია”, როგორც ნაცმოძრაობა. ეს პიროვნება, რომლის ჰორიზონტზე და სტილზე თავად შეგიძლიათ შეიქმნათ შთაბეჭდილება, ბლოგზე ერთი მიზნით არის შემოსულ/შემოგზავნილი – რომ ია ანთაძე, ბექა, ხარა, მე და მთავრობის ნებისმიერი ოპოზიციონერი “საკანისტებად” შეგვრაცხოს და “ჭორიკანა” გვიძახოს.

ვაცხადებ, – ისეთი აზროვნების და მოცემულობების პატრონისაგან, როგორიც progressive-ი ბრძანდება, მე, ცნობილი ანდაზის გათვალისწინებით, წიხლი არ მეწყინება.

მეტიც, არც მინდა მისგან დადებითი რემარკები.

ასე რომ მიდი, „პროგრესულო“, შენი დილეტანტურ-შარიკოვული ღვარძლი კარგი დახასიათებაა – შენთვისაც და ჩვენთვისაც.

იმ ქვეყანაში, სადაც ნაციონალური არხები მხოლოდ ჭორების გავრცელებით და სიმართლის დამალვით არიან დაკავებულნი, საუკეთესო დაცვა შეტევაა და „პროგრესულიც“ უტევს „ჭორიკნობას“, (ამ დროს ვცდილობ ყველა ინფორმაციაზე წყარო მივუთითო). თან შიგადაშიგ დილეგებით და მერაბიშვილის ზონდერ-ბრიგადებით მემუქრება. პირდაპირ მაჰათმა განდია!

მიშას თავგადაკლულ მომხრეებსაც კი უკვე უჭირთ მიშაზე კარგის თქმა.

ჩაკვდა ჩვენი ეკლესიის კარისმტრეველი მინისტრის მიერ შეჰქმნილი ნაც-შლიაგერად ქცეული უნიჭო სიმღერა “მიშა მაგარია”. რადგან თუ დღესაც ამტკიცებ, რომ “მიშა მაგარია”, ან – ქართულში ვერ ერკვევი, ან – ფსიქიატრი გჭირდება. და სწორედ ეს არის შარიკოვების დაბოღმვის ძირითადი მიზეზი. მათ ხომ ასე მოსწონდათ მიშა, “მიშისტობა”, პარლამენტის მაგიდაზე შეხტომით გაკეთებული ბრეგაძისეული სუპერკარიერა. და არა მარტო მიშისტობა, არამედ უფრო წვრილ-წვრილ ნაცისტობაც – “კირკიტაძისტობა”, “ბრეგაძისტობა“…

ნეობოლშევიზმი – როგორც ნაცმოძრაობის დროშა.

ნაცმოძრაობის მიგნებები: მასების და ჯარის კომისრები, სასამართლოში ვიშინსკის “სამართლის” დამკვიდრებლები, ზონდერბრიგადები და მიშაიუგენდი, ჰებელსური პროპაგანდა, არჩევნების გაყალბების თეორეტიკოს-პრაქტიკოსი ჩემპიონები, დიპლომატიაში დილეტანტიზმის დამნერგავები, მასკულტურის და ჰუნვეიბინების შემოქმედნი. გავა დრო და 2003 წლიდან დაწყებული კოშმარი სწორედ ამ ფენომენების ანალიზით შევა ქართულ ისტორიაში.

მასშტაბში ვერ შეედრებიან ჰიტლერს და სტალინს, მაგრამ სქემები გადმოშუშეს და იღწვიან… “გვაცალეთ, ბატონო, გვაცალეთ” (ვარლამ არევიძე) – ახალი ადამიანის შექმნაზე მუშაობენ – ჯეობარის სტანდარტებზე აღზრდილი მასის, რომელიც ბელადის დანახვაზე მომენტალურად აბღავლდება – “მიშაააააა!” ან – “გრიშააააა!”

კავკასიოლოგს ეღიმება გერმანისტულ ულვაშებში. ღირსეული ოპონენტია (“პროგრესულისგან” განსხვავებით) და გენიალურად მარტივ ლოგიკას აგებს – ოპოზიცია რადიკალურია (და ნაცმოძრაობა? წიკლაური? ხერხეულიძე? თუთბერიძე?); ოპოზიციამ რუსთაველი გადაკეტა და ხალხს სიცოცხლე გაუმწარა (თაბუკაშვილის სახლი?, მოკლული ბიჭები? დაჭერები?); ოპოზიციამ (კორკოტამ!) 5 ლარი ამოაცალა საფულიდან „სამართალდაცავს“ (მრავალჯერად პროვოკატორს! და მთავრობამ რამდენ მილიარდი ამოგვაცალა?); ოპოზიციამ დაჭრა პოლიციელები (2 რკინისჯოხიანი ზონდერი! და დაჭრილი ოპოზიციონერები როგორ გადაამისამართეს საავადმყოფოებიდან ციხეში?); ოპოზიციონერებმა სცემეს ჟურნალისტებს (პროვოკატორ ავალიანს! და „იმედი“? მაესტროს გამორთვები?); ოპოზიციამ ვერ შეაგროვა სტადიონზე 100,000 კაცი (ჰმ?)…და ა.შ. და ა.შ.

სასაცილოა იმის თქმა, რომ საქართველოს დღეს სააკაშვილზე უკეთესი პოლიტიკოსი არ ჰყავს! ეს იმას ნიშნავს, რომ საქართველო ღირსია, რომ დაიღუპოს მიშას ხელით.

ფარულ მიშისტებს მოსწყინდათ ჩრდილში მალვა. სიზმრად ესიზმრებათ, როგორ არბევენ ვანოს უსახური მანქურთები ამ „თავგასულ ხალხს“! რა დიდი სიამოვნებით დაეცემიან მიწაზე: „მამამან ჩვენმან, მომძღვნელმან პურისა ჩვენისა, უშიშმა ვითარცა უხორცომ, შადრევანმა ჩვენის ფანტაზიისა, იცოცხლოს და ჩვენზე იმეფოს მარად!“

მოდით ჩავატაროთ სამართლიანი არჩევნები – რამდენს გვინდა თავისუფალი საქართველო და რამდენს – “მიშისტანი”?

\

———

კირილეს წყალტუბოდან
———————–
მაქვს თქვენთან საქმიანი წინადადება – შაბათს, 6 ივნისს 6 საათზე, ყველა ვინც მიხეილ სააკაშვილით აღფრთოვანებული ბრძანდებით, შეიკრიბეთ წყალტუბოში ბაზრის წინ მოედანზე.

თუ 100 კაცზე მეტი გამოვა, გპირდებით, რომ ბ-ნი მიხეილი თავად ჩამოფრინდება 1 საათში, რადგან ამდენი მომხრის ნახვა ერთი წელია დიდ ოცნებად აქვს გადაქცეული!

P.S. ახლა მივხვდი, რომ შაბათის 6.06-ის 6 საათი 3 ექვსიანი გამოდის და ბ-ნი მიხეილის ღრმა მორწმუნეობა რომ ვიცი, ჯობს გადაიტანოთ და იყოს 7 საათი.

კირილე, პირველწყალტუბოში და თერნალში არ დაგავიწყდეს ასვლა, იქ ოთხსულიან ოჯახებში თურმე 5-5 მიშისტი მოდის…

ბავშვებიც წამოიყვანეთ – იქნება მონათლოს კიდეც. წყალტუბოში დასაქმებულთა რაოდენობა თურმე რეკორდულია და ბ-ნ პრეზიდენტს მისი დაპირება შეახსენეთ – ბავშვსაც მოგინათლავთ და ეზოში თუ რაიმე გოჭი, ინდოური ან დედალი დაინახა, იმასაც დაემშვიდობეთ …

ავტორი: სოლომონ

04.06.2009 02:37

————————

—————————-

გუბაზს ჩაგრულს – მაჭამეხაშლამა!!!ვა!?-დან

ხომ გითხარი, მაინც დაბრუნდები-მეთქი. ალპინისტის ფენომენია.

—————————-